Respublika Şahmat Mərkəzində kişilər arasında Bakı birinciliyi başa çatmışdır. "AzərTAc" xəbər verir ki, son turda yarışların lideri Nail Bəşirli Elşad Abdullayevlə oyununu heç-heçə başa vuraraq 9 mümkün xaldan 7,5 xal toplayıb turnirin qalibi olmuşdur.
İkinci yeri 9 mümkün xaldan 7 xal nəticə ilə Rüstəm Bünyadov tutmuşdur. Mehman Abbasov isə eyni nəticə ilə (7 xal), lakin pis əlavə göstəricilərlə 3-cü yerə çıxmışdır.
Qeyd edək ki, kişilərin yarışında 44 idmançı qələbə uğrunda mübarizə aparırdı.