AgahMedia.Com portalının BBC-yə istinadən məlumatına görə,həbsdə olan çinli dissident Liyu Şiaobo 2010-cu il Nobel sülh mükafatına layiq görülüb.
Norveç paytaxtı Osloda edilən elan bundan əvvəl etirazını bildirmiş Çini qəzəbləndirəcək. Elandan öncə Norveçin Nobel Komitəsinin sədri Torbyorn Caqland yerli telekanala söyləmişdi ki, seçimi müdafiə etməli olacağını dərk edir: Cənab Caqland cümə axşamı deyib ki, hələ prosesin əvvəlində kimin qalib gələcəyi aydın olmağa başlamışdı.
Norveç paytaxtı Osloda edilən elan bundan əvvəl etirazını bildirmiş Çini qəzəbləndirəcək. Elandan öncə Norveçin Nobel Komitəsinin sədri Torbyorn Caqland yerli telekanala söyləmişdi ki, seçimi müdafiə etməli olacağını dərk edir: Cənab Caqland cümə axşamı deyib ki, hələ prosesin əvvəlində kimin qalib gələcəyi aydın olmağa başlamışdı.
54 yaşlı Liyu ötən il 11 illik həbs cəzasına məhkum edilmişdi. O Nizamnamə 8 adlı sənədi yazaraq, çoxpartiyalı demokratiya və insan haqlarına hörmət edilməsinə çağırmaq üstündə cəzalandırılıb. Ötən ay Çinin Xarici İşlər Nazirliyi xəbərdarlıq etmişdi ki, dissidentin bu mükafata layiq görülməsi Nobel prinsiplərinə zidd olacaq. Digər namizədlər arasında Əfqanıstanda qadın haqları uğrunda mübariz Sima Samar, rusiyalı insan hüquqları fəalı Svetlana Qannuşkina, sabiq Almaniya kansleri Helmut Kol və Zimbabvenin hazırkı baş naziri Morqan Çangirayın adları da vardı.
Nobel komitəsi ötən il sülh mükafatını ziddiyyətli şəraitdə ABŞ prezidenti Barak Obamaya təqdim etməsini müdafiə etməli olmuşdu.
Kayıtlar
