1 milyon 134 min manat məbləğində rüşvətdən imtina edən polis mükafatlandırıldı

Rusiyada yol polisi ona təklif edilən 45 milyon rubl (1 milyon 134 min manat) rüşvətdən imtina etmişdir. AgahMedia.Com informasiya portalının AzərTAc -a istinadən məlumatına görə, hadisə bu günlərdə Moskvada baş verib. Bir nəfər yüklərin qeyri-qanuni üsulla rəsmiləşdirilməsi üçün polis əməkdaşına 45 milyon rubl (1 milyon 134 min manat) rüşvət təklif edib. Polis işçisi isə,bu barədə rəhbərliyə xəbər verib. Bundan sonra polis xüsusi əməliyyat keçirərək həmin şəxsi saxlamışdır. Rusiya Daxili İşlər Nazirliyinin Moskva üzrə baş idarəsindən verilən məlumata görə, fantastik məbləğdə rüşvətdən imtina edən polis işçisinə təşəkkür edilmiş və 100 min rubl (2520 manat) məbləğində mükafat verilib.

Qaynaq link: http://agahmedia.com/2013/04/02/1-milyon-134-min-manat-məbləgində-rushvətdən-imtina-edən-polis-mukafatlandirildi/